2021 yil 28-29 iyun kunlari Sirdaryo viloyati ko‘p tarmoqli tibbiyot markazi, Respublika Shoshilinch tibbiy yordam ilmiy markazining Sirdaryo viloyat filiali, Sirdaryo tumani tibbiyot birlashmasi, Guliston shahar tibbiyot birlashmasida ichki tekshirish ishlari o‘tkazildi. Bu haqda Farmatsevtika tarmog‘ini rivojlantirish agentligi Lisenziyalash va nazorat qilish boshqarmasi tomonidan ma'lum qilindi.
Tekshiruv jarayonida ayrim tibbiyot muassasalarida litsenziyasining amal qilish muddati tugaganligiga qaramay dori vositalarini tayyorlash faoliyatini noqonuniy ravishda amalga oshirganligi aniqlandi. Shuningdek dorixonalarda dori vositalarini saqlash sharoitlari buzilganligi kabi qonunbuzilish holatlari aniqlandi.
Lisenziatlarda o‘tkazilgan tekshiruvlar va ko‘rilgan ta'sir choralar ular e'tiboriga yetkazilib, dori vositalari muomalasida sifatsiz, kontrafakt farmatsevtik mahsulotlar aylanmasiga yo‘l qo‘ymaslik to‘g‘risida ogohlantirildi.
