Namangan viloyati bojxona boshqarmasi xodimlari hamda DXX xodimlari bilan hamkorlikda Yangiqo‘rg‘on tumanida harakatlangan fuqaro T.B. boshqaruvidagi “Kobalt” avtomashinasi to‘xtatib belgilangan tartibda ko‘zdan kechirilgan.
Natijada mashinada tegishli hujjatlari bo‘lmagan, xorijda ishlab chiqarilgan, sifati kafolatlanmagan 11 turdagi 5997 quti dori vositalari borligi aniqlangan.
Tadbir davom T.B.ga tegishli yana bir “Kobalt” avtomashinasi Yangiqo‘rg‘on tumani Qizilyozi mahallasi hududida ko‘zdan kechirilgan. Avtomashina salonidan xorijda ishlab chiqarilgan hech qanday hujjatlari bo‘lmagan 18 turdagi 4922 quti dorilar borligi aniqlangan.
Tezkor tadbir davomida fuqaro T.B.ga tegishli bo‘lgan jami 516 mln so‘mlik tibbiyot dori vositalari ashyoviy dalil sifatida vaqtincha saqlovga olingan.
Hozirda ushbu holat yuzasidan bojxona organlari tomonidan surishtiruv harakatlari olib borilmoqda.
