Jinoyat kodeksi va Ma'muriy javobgarlik to‘g‘risidagi kodeksga o‘zgartishlar kiritishni nazarda tutuvchi qonun prezident tomonidan imzolandi.
O‘zgartishlarga ko‘ra, hokimiyat vakiliga yoki fuqaroviy burchini bajarayotgan shaxsga qarshilik uchun jinoiy javobgarlik kuchaytirildi.
Bunday harakatlar: bazaviy hisoblash miqdorining 50 baravaridan 100 baravarigacha jarima (ilgari faqat 50 baravarigacha); 1 yildan 3 yilgacha ozodlikni cheklash (ilgari 1 yilgacha); 1 yildan 3 yilgacha ozodlikdan mahrum qilish bilan jazolanadi (ilgari 1 yilgacha).
Ma'muriy javobgarlik to‘g‘risidagi kodeksda hokimiyat vakilining, ichki ishlar va Milliy gvardiya xodimlarining qonuniy talablarini bajarmaganlik uchun ham javobgarlik choralari kuchaytirilib, jarima miqdorlari oshirildi.
Avvalroq, Oliy Majlis Qonunchilik palatasi deputati Qodir Jo‘rayev ushbu qonun loyihasi yuzasidan o‘z xavotirlarini bildirgan edi.
