Dubay shahzodasi Shayx Hamdan bin Muhammad Ol Maktum O‘zbekistonga keldi. Bu haqda shahzoda Instagram sahifasida post qoldirgan.
Dubay amirligi taxt vorisi sahifasida qo‘ygan suratlaridan u doimgidek Navoiy shahridan 50 km uzoqlikdagi BAAga qarashli tuvaloq asrash maskaniga tashrif buyurganini sezish mumkin. Muhammad Ol Maktum o‘tgan yili ham aynan oktyabr oyida Navoiyga kelgandi.
Markaz Birlashgan Arab Amirliklari vitse-prezidenti, Dubay amiri Shayx Muhammad bin Rashid Ol Maktum tashabbusi bilan 2008 yilning aprel oyida tashkil etilgan. Shahzoda Hamdan lochinlar bilan shu hududda tuvaloq ovlaydi.