Serbiya poytaxti Belgradda boks bo‘yicha jahon chempionati davom etmoqda. 26 oktabr kungi janglarda o‘zbekistonlik 3 nafar bokschi ringga ko‘tarildi.
-80 kg vaznda Odiljon Aslonov avtomatik ravishda 1/16 finalga yo‘llanma oldi, uning raqibi tanzaniyalik Yusuf Changalavey noma'lum sabablarga ko‘ra ringga chiqmadi.
-51 kg vazn toifasida Hasanboy Do‘smatov 1/8 final doirasida qozog‘istonlik Saken Bibossinovga qarshi ringga ko‘tarildi. Teng kurashlar ostida o‘tgan bahsda hakamlar Bibossinovni g‘olib deb topishdi. Ma'lum muddatli tanaffusdan keyin havaskor boksga qaytgan Do‘smatov esa jahon chempionatini erta tark etdi.
-75 kg vazn toifasida Saidjamshid Ja'farov 1/32 final doirasida slovakiyalik Lukas Fernetsaga qarshi ringga ko‘tarildi. Har uchala raundda faol harakat qilgan Ja'farov hakamlar qaroriga ko‘ra g‘alaba qozonib, Jahon chempionatining keyingi bosqichiga yo‘l oldi.
Birinchi kungi bahslarda O‘zbekiston terma jamoasi sharafini -67 kg vazn toifasida himoya qilayotgan Asadxo‘ja Mo‘ydinxo‘jayev 1/32 final doirasida irlandiyalik Brendon Makkiverni 5:0 hisobida mag‘lub etgan holda 1/16 finalga yo‘l olgandi.
27 oktabr kuni -86 kg vazn toifasida Shohjahon Abdullayev ilk jangida belgiyalik Viktor Shelstrit bilan ro‘baro‘ keladi.
