Magistratura mutaxassisliklariga qo‘shimcha qabul uchun ruxsat berildi. Bu haqda Oliy ta'lim vazirligi xabar qildi.
Qayd etilishicha, davlat oliy ta'lim muassasalariga 2021/2022-o‘quv yili magistratura mutaxassisliklari bo‘yicha kirish imtihonlarida ishtirok etib, mutaxassislik fanidan belgilangan maksimal ballning 40 foizi va undan yuqori ball to‘plagan abituriyentlar tegishli oliy ta'lim muassasasi tomonidan belgilangan to‘lov-kontrakt asosida ballar ketma-ketligiga qat'iy amal qilgan holda o‘qishga qabul qilinishi mumkin.
Magistraturaga kirish imtihonlarida ishtirok etib, yuqoridagi talabni bajargan talabgorlar tegishli oliy ta'lim muassasasi qabul komissiyasiga 2021 yil 9 noyabrdan murojaat qilishi mumkin.
To‘lov shartnoma miqdorining kamida 50 foizini bajarishning oxirgi muddati - 2021 yil 20 noyabr.
Prezidentning 2021 yil 22 iyundagi qaroriga ko‘ra, magistratura mutaxassisliklariga qo‘shimcha qabul to‘lov-kontrakt miqdori bir talabaning o‘qishi uchun sarflanadigan xarajat miqdoridan kelib chiqqan holda oliy ta'lim muassasasi tomonidan belgilanadi.
