Xitoy Afg‘onistonga ming tonna birinchi zarurat buyumlarini ham jo‘natgan.
Foto: AP
Xitoy koronavirus tarqalishiga qarshi kurashish uchun Afg‘onistonga bir million doza COVID-19ga qarshi vaksina hamda 1,6 million dona shprits taqdim etdi. Bu haqda Xitoydagi elchi Jovid Ahmad Qaym ma'lum qildi.
«Xitoy Afg‘onistonga COVID-19ga qarshi bir million doza vaksinani beg‘araz berdi. Bugun Pekin aeroportida vaksinalar partiyasini qabul qildim va Kobulga jo‘natdim. Shuningdek, 1,6 million dona shprits ham jo‘natildi», — deb yozdi Qaym Twitter sahifasida.
Sinxua agentligining yozishicha, Xitoy Afg‘onistonga ming tonna birinchi zarurat buyumlarini ham jo‘natgan.
Avvalroq Xitoy tashqi ishlar vaziri Van I AQShni Afg‘onistondan sanksiyalarni olib tashlashga chaqirgandi.
