Qoramol go‘shti importi qariyb 2 ming tonnaga oshgan. Bu haqda Davlat statistika qo‘mitasi ma’lum qildi.
Foto: Kun.uz
Qo‘mita xabariga ko‘ra, 2022 yilning dastlabki ikki oyida O‘zbekistonga 7 ta davlatdan qiymati 26,5 mln AQSh dollariga teng bo‘lgan 5,9 ming tonna qoramol go‘shti import qilingan.
Qayd etilishicha, qoramol go‘shti importi o‘tgan yilning mos davri bilan solishtirilganda qariyb 2 ming tonnaga oshgan.
2022 yil yanvar-fevral oylarida O‘zbekiston eng ko‘p qoramol go‘shtini import qilgan davlatlar quyidagilar bo‘lib, umumiy qoramol go‘shti importi hajmining 93 foizi aynan ular hissasiga to‘g‘ri kelgan:
- Belarus – 4 ming tonna;
- Qozog‘iston – 1,2 ming tonna;
- Ukraina – 320 tonna.
Bundan oldin O‘zbekistonga 2021 yilda eng ko‘p import go‘sht Belarusdan olib kelingani xabar berilgandi.
