O‘zbekistonda endi yo‘qotilgan buyumlarni onlayn topish mumkin. Bu haqda Yagona interaktiv davlat xizmatlari portali xabar qildi.
Qayd etilishicha, buning uchun «My.gov.uz» orqali «Topilmalar, yo‘qolgan buyumlar va hujjatlar bo‘yicha so‘rov yuborish xizmati»dan foydalanib, ariza qoldiriladi.
Ma’lum qilinishicha, yo‘qotilgan buyum 2 oy mobaynida tegishli axborot tizimlari orqali qidiriladi.
Shu muddat ichida buyum topilmasa, bazaviy hisoblash miqdorining 4 foizi miqdorida to‘lov to‘lab, yo‘qolgan ashyo topilmagani to‘g‘risida ma’lumotnoma olish mumkin.
Bundan oldin IIV tizimidagi «Topilmalar stoli» faoliyati tugatilgani xabar qilingandi.