Joko Vidodo Moskvaga tashrifi oldidan Kiyevda Ukraina prezidenti bilan uchrashuv o‘tkazgandi.
Indoneziya prezidenti Joko Vidodo Rossiya prezidenti Vladimir Putinga ukrainalik hamkasbi Volodimir Zelenskiyning maktubini topshirganini ma’lum qildi.
U Moskvaga tashrifi oldidan Kiyevda Ukraina prezidenti bilan uchrashuv o‘tkazgandi.
"Men prezident Putinga prezident Zelenskiyning maktubini topshirdim va ikki rahbar o‘rtasida muloqot o‘rnatishga tayyorligimni bildirdim", — dedi Vidodo.
Rossiya prezidentining matbuot kotibi Dmitriy Peskov bu borada hech qanday ma’lumotga ega emasligini aytdi.
Kiyevdagi uchrashuvdan so‘ng Vidodo Zelenskiyga Putinga maktub yo‘llashni taklif qilganini aytgandi.