Muloqotda O‘zbekiston - Amerika hamkorligining bugungi holati va istiqbollari muhokama qilindi.
22 avgust kuni Oliy Majlis Senati raisi Tanzila Norboyeva AQSh Kongressidagi "O‘zbekiston bo‘yicha kokus"ning hamraisi, kongressmen Trent Kelli boshchiligidagi AQSh Kongressi delegatsiyasi bilan uchrashdi.
Muloqotda O‘zbekiston - Amerika hamkorligining bugungi holati va istiqbollari, jumladan, parlamentlararo hamkorlikni kengaytirish masalalari muhokama qilindi.
Uchrashuvda hamkorlikning parlamentlararo aloqalarini kengaytirish, shuningdek, demokratik islohotlarni amalga oshirish kabi sohalarda mustahkamlash masalasiga e’tibor qaratildi.
Ikki davlat parlamentlari o‘rtasidagi munosabatlarning rivojlanishida “O‘zbekiston–AQSh” parlamentlararo guruhi hamda AQSh Kongressidagi “O‘zbekiston bo‘yicha kokus”ning sa’y-harakatlari e’tirof etildi.
Avvalroq O‘zbekiston tashqi ishlar vaziri v.b. Vladimir Norov AQSh Kongressi delegatsiyasi bilan uchrashuv o‘tkazgani xabar qilingandi.
