Foto: TASS
Rossiya mudofaa vaziri Sergey Shoygu hamda AQSh mudofaa vaziri Lloyd Ostin telefon orqali muloqot qildi. Bu haqda Rossiya Mudofaa vazirligi rasmiy sahifasida xabar berildi.
Manbada aytilishicha, tomonlar xalqaro xavfsizlik masalasida aktual mavzular, xususan, Ukraina haqida gaplashgan.
Pentagon rahbari Lloyd va Rossiya mudofaa vaziri Shoygu urush boshlangandan buyon ikkinchi marta telefon orqali muloqot qildi. Oxirgi marta ular may oyida gaplashgan, o‘shanda Rossiya mudofaa vazirligi telefon suhbati AQSh tomonining tashabbusi bilan amalga oshirilganiga urg‘u bergandi. Bu gal esa qo‘ng‘iroq kim tomonidan amalga oshirilgani aniq emas.
