Rossiya prezidenti matbuot kotibi Dmitriy Peskovning so‘zlariga ko‘ra, Putin RFda safarbarlikni yakunlash uchun farmonga ehtiyoj bor-yo‘qligi haqida «huquqshunoslar bilan maslahatlashgan».
«Prezident huquqshunoslar, yuristlar bilan maslahatlashaman, dedi. Sizga shuni ma’lum qilamizki, hech qanday farmonga ehtiyoj yo‘q. Shunga ko‘ra, safarbarlikning oxiri belgilandi. Qisman safarbarlik yakunlandi. Mudofaa vazirligi tomonidan harbiy komissarliklarga chaqiriq to‘g‘risidagi qog‘ozlarni yuborishni to‘xtatish va bundan keyin hech qanday chaqiriqqa jalb qilmaslik to‘g‘risida tegishli telegrammalar yuborildi», - dedi u.
Bundan oldin Rossiyada harbiy komissarliklar 1 noyabrdan boshlab odatdagidek ishga qaytishi xabar qilingandi.
Safarbarlik doirasida harbiy xizmatga chaqirish bilan bog‘liq barcha tadbirlar yakunlandi, chaqiruv qog‘ozlarini tayyorlash va yetkazib berish to‘xtatildi, deya xabar berdi Rossiya Mudofaa vazirligi.
Vazirlik rahbari Sergey Shoygu topshirig‘iga ko‘ra, Bosh shtab «harbiy okruglar qo‘mondonlariga va Shimoliy flot qo‘mondoniga 1 noyabrga qadar qisman safarbarlik tadbirlari yakunlangani to‘g‘risida hisobot berish to‘g‘risida ko‘rsatmalar yubordi».
Harbiy ro‘yxatga olish va komissarliklar 1 noyabrdan boshlab odatdagidek ishga qaytishi kerak. Kelgusida ular faqat shartnoma bo‘yicha harbiy xizmatga ko‘ngillilar va nomzodlarni jalb qilish bilan shug‘ullanadilar.
