Коронавирус инфекцияси профилактикаси бўйича 7 қадам
1
Жамоат жойларига борманг: савдо марказлари, спорт ва томошалар, жамоат транспортларида эҳтиёт бўлинг.
2
Нотоза қўллар билан кўз, юз ва оғизга қўл теккизманг.
3
ЎРВИ белгилари (йўтал, аксириш, ҳарорат кўтарилишиҒ белгилар бор одамларга яқинлашманг.
4
Ҳар сафар кўчага чиққанда қўлларни совунлаб яхшилаб ювинг, компьютер, телефон ва бошқа қурилмаларни тозалаб туринг.
5
Гажетлар, пультлар, идора техникаларини дезинфекцияланг.
6
Яқиндан ва қўл бериб кўришишдан сақланинг.
7
Шахсий гигиена воситаларидан (сочиқ, тиш чўткаси) фойдаланишга жиддий эътибор беринг.
Covid-19 короновируси бўйича кўп бериладиган саволлар
Коронавирус қандай касаллик?

Коронавирус бу – респиратор инфекция, у ўпканинг ҳозирча аниқ давоси бўлмаган касаллигини келтириб чиқаради.

Коронавирус қандай юқади?

Вируслар аксириш ёки йўталиш пайтида ҳавога чиқариладиган жуда майда тупук томчилари орқали юқади. Бундан ташқари, коронавирусни қаттиқ юза – масалан эшик тутқичидан юқтириш мумкин.

Касалликнинг белгилари қандай?

Иситма, ланжлик ва қуруқ йўтал. Яна баъзан бурун битиши, тумов, мушак оғриқлари, томоқ оғриғи ва ич суриши.

Ўзида касаллик аломатини сезган фуқаролар қаерга боришлари керак?

Коронавирус аломатларини сезган фуқаро хонадонидан чиқмасдан тез тиббий ёрдам ёки поликлиника шифокорига мурожаат қилади. Бундан ташқари, Соғлиқни сақлаш вазирлигининг 1003 қисқа рақамига қўнғироқ қилиб, хабар бериш керак.

Коронавирус кексалар учун хавфлими?

Ёш — коронавирус касаллиги келтириб чиқарадиган ўлимга таъсир кўрсатувчи асосий омиллардан бири. Бу вирус илк бора аниқланган Хитойда ўтказилган тадқиқотлар шуни кўрсатадики одам қанчалик кекса ёшда бўлса, унинг учун коронавирус шунчалик хавфли бўлади.

Касаллигини яшириб, бошқаларга юқтирганлар жавобгарликка тортиладими?

Ўзбекистонда карантин бўйича амалдаги қонунчилик талабларини бузган, ўзида карантин аломатларини сезса-да, буни яширган, аксинча, кўча-кўйда юриб, коронавирусни бошқаларга ҳам қасддан юқтирган шахслар жиноий жавобгарликка тортилади.

Коронавируснинг ҳомиладор аёлларга таъсири қандай?

Ҳомиладор аёлларнинг коронавирусга чалиниш эҳтимоли кўпроқ экани ёки инфекция асоратларига кўпроқ мойил экани ҳақида аниқ тасдиқланган илмий-тадқиқотлар хулосаси йўқ.

Ишлатилган ниқобларни қайта ишлатиш ёки дезинфекциялаш воситаси билан дезинфекция қилиш мумкинми?

Йўқ, ишлатилган ниқобларни қайта ишлатиш ёки ишлатилгандан кейин дезинфекциялаб, яна ишлатиш мумкин эмас.

Барчаси
Коронавирус Ўзбекистонда:
сўнгги янгиликлар
Top