Santa-Barbarada neft ko‘lobi hosil bo‘ldi

AQShning Kaliforniya shtatidagi Santa-Barbara okrugi neft to‘kilishi oqibatida halokat zonasi deb e'lon qilindi. Ta'kidlanishicha, bu ofat oxirgi 18 yil ichidagi eng katta ekologiya buzilishi holatidir. Shtat gubernatori Jyerri Braun favqulodda vaziyat tartibi barcha kuchlarga halokatni bartaraf qilishga tashlashga yordam berishini ta'kidlab o‘tdi.

Voqea 19 may kuni sodir bo‘ldi. Neft to‘kilishi oqibatida hosil bo‘lgan ulkan ko‘lob suratlari ijtimoiy tarmoqlarda keng tarqaldi.