Kanada elchisi O‘zbekistonga hamdardlik bildirdi

2016 yilning 5 sentabr kuni O‘zbekiston respublikasi tashqi ishlar vaziri Abdulaziz Komilov Kanada favqulodda va muxtor elchisi (qarorgohi Moskva shahrida) Jon Ronald Kyorni qabul qildi.

Kanada rahbariyati nomidan Kanada elchisi O‘zbekiston respublikasining birinchi prezidenti Islom Karimov vafoti munosabati bilan O‘zbekiston hukumati va xalqiga samimiy va chuqur hamdardlik izhor etdi.

Vazir elchiga ta'ziya va Toshkent hamda Samarqand shaharlaridagi motam marosimlarida ishtirok etganligi uchun minnatdorchilik bildirdi.

Uchrashuvda ikki tomon munosabatlarining dolzarb masalalari yuzasidan fikr almashildi.