Toshkentdagi Yunusobod va Mirzo-Ulug‘bek tumanlari yangi yo‘l orqali tutashadi

Yaqin vaqtlar ichida Toshkent shahrida navbatdagi qurilish ishlari boshlanadi. Nuz.uz sayti Toshkent shahri hokimiyatiga asoslanib xabar qilishicha, Yunusobod va Mirzo-Ulug‘bek tumanlari yangi yo‘l orqali bog‘lanadi.

6 qatorli avtoyo‘l Mega Planet savdo markazi oldidan boshlanib, mahallalar ichidan o‘tadi va Kabel zavodiga tutashadi. Ushbu yo‘l qurilishi davomida bir qancha turar joylar va  binolar ko‘chirilishi ko‘zda tutilgan. Bular qatorida 10ga yaqin xususiy uy va "Salam Popalam" restorani ham bor.

Dastlabki ma'lumotlarga ko‘ra, yangi yo‘l keyingi yilning bahorida ochilishi mumkin. Bu yo‘lda ilk harakatlanish Navro‘z bayrami kunida yo‘lga qo‘yilishi nazarda tutilgan.