Indoneziyada samolyot qulab tushdi

Indoneziya Harbiy-havo kuchlariga tegishli transport samolyoti Papua viloyatida harbiy manyovr amalga oshirish chog‘ida qulab tushdi va bortda bo‘lgan 13 kishi halok bo‘lgan. Bu haqda  Reuters xabar bergan.

Mamlakat qidiruv-qutqaruv xizmati rahbari ma'lumotiga ko‘ra, Timika shahridan uchgan S-130 Hercules samolyoti Vamen shahri yaqinidagi tog‘larga borib urilgan. Qurbon bo‘lganlarning jasadlari Vamenga yetkazilgan.

Assoshieyted Press agentligi xabarida qayd etilishicha, halokat sababi noqulay ob-havo sharoiti bo‘lishi mumkin. Agentlik ma'lumotiga ko‘ra, samolyot Vamen shahriga oziq-ovqat zaxiralari eltayotgandi.