BMT Bosh kotibi Shimoliy Koreyaning harakatini qoraladi

BMT Bosh kotibi Antoniu Guterrish Shimoliy Koreyani navbatdagi ballistik raketani uchirgani tufayli qoraladi, deb xabar qilindi butunjahon tashkilot matbuot-relizida.

Gutterish KXDR tomonidan uchirilgan raketa qit'alararo bo‘lishi mumkinligini istisno etmagan, bu esa «BMT Xavfsizlik kengashi rezolyutsiyasini oshkora buzish hisoblanadi».

«KXDR rahbariyati o‘zining xalqaro majburiyatlarini to‘la hajmda bajarishi va xalqaro hamjamiyat bilan Koreya yarim orolidagi hal etilmagan masalalarga yechim topish uchun birgalikda ishlashi kerak», - deyiladi bayonotda.

Shuningdek, BMT Bosh kotibi KXDR rahbariyatini Janubiy Koreyaning harbiy va boshqa aloqalarni mintaqadagi keskinlikni kamaytirish maqsadida tiklash haqidagi taklifiga javob qaytarishga chaqirdi.