Fotojamlanma. Qishki Olimpiadaning yopilish marosimi

25 fevral kuni Janubiy Koreyaning Pyongchang shahrida XXIII Qishki Olimpiya o‘yinlari yopilish marosimi o‘tkazildi.

16 kun davom etgan musobaqada Norvegiya 14ta oltin, 14ta kumush va 11ta bronza medal bilan birinchi bo‘ldi. Ikkinchi o‘rinni Germaniya (14-10-7), uchinchi o‘rinni Kanada terma jamoasi (11-8-10) egalladi.

Rossiyalik olimpiyachi atletlar jamoasi esa 2ta oltin, 6ta kumush va 9ta bronza bilan 13-o‘rindan joy oldi. Rossiyaliklarga yopilish marosimida ham Rossiya bayrog‘i ostida chiqishga ruxsat berilmadi, atletlar ko‘ngilli tomonidan ko‘tarilgan olimpiya bayrog‘i ostida yurib o‘tishdi.

Marosim yakunida Janubiy Koreya shahri estafetani 2022 yilgi o‘yinlarga mezbonlik qiluvchi Pekin shahriga topshirdi.

Olimpiada yopilish marosimining yuqoridan ko‘rinishi 

AQSh prezidenti Donald Trampning qizi Ivanka Tramp, Koreya respublikasi prezidenti Mun Je In va uning rafiqasi 

Barcha davlatlar bir xalqa atrofida birlashgan mahal

Yopilish marosimida O‘zbekiston bayrog‘i Ukraina va Rossiyalik olimpiyachi atletlar neytral bayrog‘i orasida 

XOQ prezidenti Tomas Bax Pyongchang-2018 olimpiadasini rasman yopiq deb e'lon qildi 

Bax Olimpiada bayrog‘ini kelgusi Qishki olimpiya o‘yinlari mezboni, Pekin shahri meriga topshirdi 

Pyongchangda olimpiya mash'alasi o‘chirildi