Ramazon oyida Superliga o‘yinlari vaqti o‘zgartiriladi

O‘zbekiston Futbol Assotsiatsiyasi muxlislarga qulay bo‘lishi uchun, Ramazon oyida Superliga o‘yinlarining boshlanish vaqtini o‘zgartirishni rejalashtirmoqda.

PFL sayti xabariga ko‘ra, tashkilot mutaxassislari bu borada ish olib borishyapti.

Ma'lumki, bu yil Ramazon may oyining o‘rtasida boshlanadi. Kunlar juda issiq kelishini, natijada, ro‘zador futbol muxlislariga og‘ir bo‘lishini inobatga olib, Superliga o‘yinlarining boshlanish vaqti kechroqqa surilishi mumkin.