Erdo‘g‘an AQShga safar uyushtiradi

Turkiya prezidenti Rajab Toyyib Erdo‘g‘an 23-27 sentabr kunlari AQShga safar uyushtirib, u yerda BMT Bosh assambleyasining 73-sessiyasida nutq so‘zlaydi va 24 sentabrda migratsiya masalalari bo‘yicha yig‘ilishda ishtirok etadi. 

Erdo‘g‘an 25 sentabrda Bosh assambleyada chiqish qiladi. U, shuningdek, BMT bosh kotibi, bir qator davlatlar rahbarlari va bosh vazirlari, AQSh ishbilarmon doiralari, musulmon va turk jamoatlari vakillari bilan ikki tomonlama uchrashuvlar o‘tkazadi.

Erdo‘g‘anning matbuot kotibi Ibrohim Qalinning aytishicha, Turkiya prezidentining Donald Tramp bilan uchrashuvi borasidagi masala hozircha hal qilinmagan.