Qorda odatda bizga omad kulib boqqan: O‘zbekiston - Qatar o‘yinidan fotoreportaj

O‘zbekiston terma jamoasi Ektor Kuper qo‘l ostidagi to‘rtinchi o‘yinida ishonchli g‘alaba qozonishning uddasidan chiqdi. «Milliy» stadionida bo‘lib o‘tgan o‘rtoqlik bahsida Qatar termasi mag‘lubiyatga uchratildi.

72-daqiqada Akmal Shorahmedov o‘ng qanotdan jarima maydoniga uzatgan to‘pni himoyachilar e'tiboridan chetda qolgan Odil Ahmedov yaqin masofadan boshi bilan darvozaga yo‘lladi.

85-daqiqada Odil Ahmedovning ajoyib pasidan so‘ng, Marat Bikmayev darvozabon bilan yuzma-yuz chiqib, to‘pni uning ustidan oshirib, darvozaga yo‘lladi.

«KUN.UZ» fotomuxbiri o‘yinning asosiy lahzalarini aks etgan fotoreportajni taqdim etadi.