Yevroittifoq maxsus vakili Termiz va Orolbo‘yi mintaqasiga tashrif buyuradi

Yevropa ittifoqi delegatsiyasi O‘zbekistonga tashrif buyuradi, deb xabar qilmoqda Tashqi ishlar vazirligi.

Qayd etilishicha, 2019 yilning 1 aprel kuni Yevropa ittifoqining Markaziy Osiyo bo‘yicha maxsus vakili Piter Burian va Afg‘oniston bo‘yicha maxsus vakili Roland Kobia boshchiligidagi YeI delegatsiyasi O‘zbekistonga keladi.

Tashrif doirasida O‘zbekiston rasmiylari bilan muzokaralar o‘tkazish, Termiz shahri va Orolbo‘yi mintaqasida bo‘lish rejalashtirilgan, deyiladi xabarda.

Shuningdek, ishbilarmon doiralar va ekspertlar jamoatchiligi bilan uchrashuvlar o‘tkazish kutilmoqda.