Eng yuqori pensiya qaysi hududda beriladi?

O‘rtacha eng yuqori pensiya Toshkent shahrida (1 mln 250 ming 992 so‘m) qayd etilgan bo‘lsa, eng kam o‘rtacha miqdordagi pensiya Andijon viloyatiga (801 ming 640 so‘m) to‘g‘ri kelgan.

Pensiya jamg‘armasi 2021 yil sentabr oyidagi bir oylik o‘rtacha pensiya miqdori haqidagi ma'lumotlarni e'lon qildi.

Qayt etilishicha, bir oylik o‘rtacha pensiya miqdori:

Toshkent shahrida 1 mln 250 ming 992 so‘m;
Navoiyda 1 mln 176 ming 323 so‘m;
Toshkent viloyatda 1 mln 12 ming 617 so‘m;
Buxoroda 941 ming 411 so‘m;
Sirdaryoda 936 ming 392 so‘m;
Qoraqalpog‘iston Respublikasida 918 ming 930 so‘m;
Samarqandda 902 ming 172 so‘m;
Qashqadaryoda 876 ming 728 so‘m;
Xorazmda 870 ming 800 so‘m;
Surxondaryoda 850 ming 685 so‘m;
Jizzaxda 848 ming 930 so‘m;
Farg‘onada 836 ming 856 so‘m;
Namanganda 802 ming 125 so‘m;
Andijon viloyatida 801 ming 640 so‘mni tashkil etgan.

2021 yil 1 oktabr holatiga respublika bo‘yicha pensiya oluvchilarning umumiy soni 3 mln 548 ming 93 nafar bo‘lib, umumiy aholi sonidagi ulushi 10,2 foizni tashkil qilgan holda 1991 yil 1 yanvar holatiga nisbatan 1 mln 389 ming 98 nafarga yoki 64,3 foizga ko‘paygan.

Ma'lumot uchun, 1991–2021 yillarda pensiyalarning miqdori 67 marotaba oshirilgan.