Qozog‘istonda Nazarboyevning vakolat va imtiyozlari to‘g‘risidagi qonunni bekor qilish rejalashtirilmoqda
Ushbu qonun bilan respublikaning birinchi prezidenti Nursulton Nazarboyevga qator vakolat va imtiyozlar ajratilgandi.
Qozog‘iston Konstitutsiyasiga kiritiladigan tuzatishlarda birinchi prezident to‘g‘risidagi qonunning amal qilishini to‘xtatish ko‘zda tutilgan. Bu haqda parlament quyi palatasi spikeri Yerlan Koshanov ma’lum qildi.
Ushbu qonun bilan respublikaning birinchi prezidenti Nursulton Nazarboyevga qator vakolat va imtiyozlar ajratilgandi.
"Tuzatishlar bilan elboshi maqomi bekor qilinadi. Konstitutsiyada Nazarboyev davlat asoschisi sifatida ko‘rsatiladi. Ushbu norma qabul qilinganidan so‘ng birinchi prezident to‘g‘risidagi qonun ham o‘z kuchini yo‘qotadi", - dedi Koshanov.
Hozirda Qozog‘istonda ishchi guruh mamlakat Konstitutsiyasiga tuzatishlar kiritish ustida ish olib bormoqda.
Nursulton Nazarboyev prezidentlik vakolatlarini 2019 yil martda topshirgandi.
2022 yil yanvardagi tartibsizliklardan so‘ng Qozog‘iston parlamenti Nazarboyevni Xavfsizlik kengashiga umrbod raislik qilish huquqidan mahrum etgandi.
Mavzuga oid
18:42 / 30.08.2024
Nazarboyevning sobiq kelini odam o‘g‘irlashda ayblanib, 12 yilga qamaldi
22:01 / 16.08.2024
Nursulton Nazarboyevning jiyani Qayrat Sotiboldiuli qamoqdan ozod qilinadi
19:01 / 12.08.2024
Nazarboyevning jiyani davlatga 1,6 mlrd dollar qiymatli mulklarni qaytardi
18:39 / 15.02.2024