Fuqarolik kodeksiga mulk huquqiga oid o‘zgartishlar kiritiladi

Oliy Majlis Qonunchilik palatasining navbatdagi majlisi bo‘lib o‘tmoqda.

Majlisda “Fuqarolik kodeksiga o‘zgartishlar kiritish to‘g‘risida”gi qonun loyihasi ikkinchi o‘qishda moddama-modda ko‘rib chiqildi.

Taklif etilayotgan qonun loyihasi Oliy Majlis Qonunchilik palatasining bir guruh deputatlari tomonidan qonunchilik tashabbusi huquqi asosida ishlab chiqilgan.

Hujjatga asosan kiritilayotgan o‘zgartishda mulk huquqi bilan bog‘liq munosabatlar maxsus qonun bilan tartibga solinayotganini inobatga olib, Fuqarolik kodeksi tegishli moddalaridagi “qonun hujjatlari” degan so‘zlar “qonun” degan so‘z bilan almashtirilmoqda.

Deputatlar aytishicha, qonun loyihasi qabul qilinishi orqali Fuqarolik kodeksida nazarda tutilgan qoidalar turlicha talqin qilinishining oldi olinadi. Mulkka bo‘lgan huquqlarni bekor qilish va mulkka doir munosabatlar tartibga solinishiga erishiladi.

Majlisda qonun loyihasi deputatlar tomonidan qabul qilindi.