Rossiyada vagnerchilar motami, Ukrainada mustaqillik bayrami. Urush suratlari

Ukrainadagi urushning 547-kuni o‘tdi. Asosiy ma’lumotlar:

• Pentagondagilar Yevgeniy Prigojin katta ehtimol bilan halok bo‘lganini aytishdi. Vladimir Putin va Ramzan Qodirov ham vagnerchilar rahbari vafoti yuzasidan hamdardlik bildirgan.
• The Wall Street Journal gazetasi AQSh rasmiy shaxslariga tayangan holda, Prigojinning biznes-jyetiga bomba o‘rnatilgan bo‘lishi mumkinligini yozdi. G‘arblik mulozimlar fikricha, samolyotni yo‘q qilish buyrug‘i Putin tomonidan berilgan.
• Aleksey Navalniy Prigojinning samolyoti halokatini «Putin uyushtirgan terakt» deb atadi.
• Volodimir Zelenskiy Ukraina samolyot halokatiga aloqador emasligini bildirdi. «Bunga kimning aloqasi borligini hamma bilib turibdi», — deya qayd etgan Ukraina prezidenti.
• Shot telegram-kanali tergovchilar samolyot shassisiga portlovchi qurilma o‘rnatilgani haqidagi versiyani ham ko‘rib chiqayotgani haqida xabar berdi. «VChK-OGPU» anonim kanali ma’lumotiga ko‘ra, ishda birinchi gumonlanuvchi paydo bo‘lgan — Prigojinning shaxsiy uchuvchisi Artem Stepanov.
• AQSh ukrain bolalar Rossiyaga deportatsiya qilingani tufayli «Artek» va Ramzan Qodirovning onasiga qarshi sanksiyalar qo‘lladi.
• Ukraina razvedkasi xabar berishicha, Qrim sohillari yaqinida qayiqlar va aviatsiya kuchlari o‘rtasida to‘qnashuv ro‘y bergan. Rossiya nashrlariga ko‘ra, ukrainalik diversantlar halok bo‘lgan.
• Rossiya qo‘shini Dniprodagi avtovokzalga raketa zarbasi yo‘lladi. O‘n kishi yaralangan. RF mudofaa vazirligi «Ukraina qurolli kuchlarining qaror qabul qilish markazi»ga zarba yo‘llanganini ma’lum qildi.

Yevgeniy Prigojin o‘limi haqidagi xabarlardan keyin Rossiyada nimalar bo‘lmoqda?

23 avgust kuni kechqurun Tver oblastida Yevgeniy Prigojinga tegishli bo‘lgan xususiy samolyot qulab tushdi: bortdagi o‘n kishining barchasi halok bo‘lgan, ulardan uch nafari — ekipaj a’zolari edi. Rosaviatsiya ma’lumotiga ko‘ra, «Vagner» XHK rahbari ham yo‘lovchilar ro‘yxatida bo‘lgan. Prigojinning o‘limi hali ham rasman tasdiqlanmadi, samolyot halokatiga nima sabab bo‘lgani ham ma’lum emas — bunga samolyot bortiga bomba o‘rnatilgani yoki tashqaridan raketa zarbasi berilgani sabab bo‘lishi mumkin.

Putin va «Alesha» tanki ekipaji Kremlda 

Donetsk o‘qqa tutilishi

24 avgustga o‘tar kechasi Ukraina qurolli kuchlari Donetskka zarba yo‘lladi, deb xabar bergan RT telekanali harbiy muxbiri Aleksandr Piskunov. Uning so‘zlariga ko‘ra, hujum vaqtida kassetali o‘q-dorilar bilan zarba berilganda eshitiladigan tovushlar quloqqa chalingan. Vishnevskiy nomidagi shifoxona korpuslaridan biri va do‘kon shikastlangan. Donetsk shahrining Moskva tomonidan tayinlangan meri Aleksey Kulemzinga ko‘ra, hujum vaqtida tinch aholi vakillaridan biri halok bo‘lgan. Ukraina tomoni Donetsk o‘qqa tutilishi yuzasidan izoh bermagan.

Dniprodagi avtovokzalga zarba oqibatlari 

Ukrainada Mustaqillik kuni qanday nishonlandi 

Frontning turli chekkalaridan suratlar