Xerson o‘qqa tutilishi oqibatlari va Baxmut atrofidagi yaradorlar. Urush suratlari

Ukrainadagi urushning 580-kuni o‘tdi. Asosiy ma’lumotlar:

• Rossiya qo‘shini Odessa oblastiga dronlar bilan hujum qildi. Ukrain harbiylariga ko‘ra, 38 drondan 26 tasini urib tushirishga muvaffaq bo‘lingan. Dunaydagi port infratuzilmasi, shuningdek Ukraina va Ruminiya chegarasidagi nazorat-o‘tkazish punkti shikastlangan. Ikki kishi yaralangan.
• RF mudofaa vazirligi hay’at yig‘ilishida Qora dengiz floti qo‘mondoni, admiral Viktor Sokolov ishtirok etdi — 22 sentabr kuni Ukraina qurolli kuchlari u RF Qora dengiz flotining Sevastopoldagi shtabiga zarba oqibatida halok bo‘lganini x abar qilgandi. Rossiya tomoni uning ishtirokidagi kadrni namoyish etganidan keyin, Ukraina tomoni Sokolov haqidagi ma’lumotga aniqlik kiritilayotgani haqida xabar berdi.
• Mahalliy madaniyat uyi xodimlari 25 sentabr kuni kechqurungi havo trevogasi chog‘ida sevastopolliklarni binodagi yerosti boshpanasiga kiritmagan. Anneksiya qilingan shahar rahbari Mixail Razvojayev buni «uchiga chiqqan tentaklik» deb atadi va masalani «qattiqqo‘llik» bilan hal etishni va’da qildi.
• Ukrainadagi uzoq masofaga harakatlanuvchi raketalarni ishlab chiqarish zavodi rossiyaliklar zarbasidan keyin xorijga ko‘chirildi.
• Tergovchilar aniqlashicha, Polshada 2022 yil noyabrida ukrainlar raketasi qulagan, deb xabar berdi Rzeczpospolita. Dastlab bu raketa Rossiya tomonidan uchirilgani aytilgandi, ammo Rossiya qo‘shini raketa qulagan joydan ancha uzoq masofada bo‘lgani sababli bu ukrainlar raketasi bo‘lishi mumkinligi ham istisno etilmagandi.

Baxmut atrofidagi ukrain jangchilari

Xerson o‘qqa tutilishi oqibatlari

26 sentabr tongida Rossiya qo‘shini Xersonni o‘qqa tutdi. Turar joy, avtomobillar va korxona binosi shikastlangan. Mahalliy rasmiylarga ko‘ra, kun davomida shaharda jami yetti kishi yaralangan.

Lvivdagi yodgorliklar otishmalardan himoyalanishi