RF va KXDR TIV rahbarlari Moskvada «strategik maslahatlashuvlar» o‘tkazadi

Bu haqda Rossiya TIV rasmiy vakili Mariya Zaxarova ma’lum qildi.

Foto: AP

Shimoliy Koreya tashqi ishlar vaziri Choy Song Xi Rossiya tashqi ishlar vaziri Sergey Lavrov bilan strategik maslahatlashuvlar o‘tkazish uchun rasmiy tashrif bilan Moskvaga keladi. Bu haqda Rossiya TIV rasmiy vakili Mariya Zaxarova brifingda ma’lum qildi.

«Iyun oyida Pxenyanda bo‘lib o‘tgan Rossiya-Koreya sammitida erishilgan kelishuvga muvofiq, KXDR tashqi ishlar vaziri Choy Song Xi rasmiy tashrif bilan Moskvaga keladi. U Rossiya Federatsiyasi tashqi ishlar vaziri Sergey Lavrov bilan strategik maslahatlashuvlar o‘tkazadi», — dedi diplomat.

Uning so‘zlariga ko‘ra, tashrif tafsilotlari va sanalari haqida qo‘shimcha ma’lumot beriladi.