Suratni video qiladigan smartfonlar: yangi HONOR 600 seriyasi taqdim etildi

HONOR 600 seriyasining eng ko‘p e’tibor qozongan yangiligi AI Image to Video 2.0 funksiyasidir. Bu texnologiya oddiy suratni bir necha soniyada qisqa videoga aylantiradi. Foydalanuvchi matn yozishi yoki bir nechta rasm yuklashi kifoya: sun’iy intellekt videoni avtomatik tayyorlaydi. Mazkur jihat, ayniqsa, ijtimoiy tarmoqlar uchun kontent tayyorlaydigan foydalanuvchilarga qulaylik beradi.

Seriya kamerasi 200 megapikselli Ultra-clear Night Camera bilan jihozlangan. U kun yorug‘ida ham, tunda ham yuqori darajadagi tiniqlikda suratga olishga mo‘ljallangan. Kompaniya bu tizimni mobil fotografiyadagi yangi bosqich deb ta’riflamoqda.

Batareya masalasida ham o‘sish bor: HONOR 600 7000 mA·soat sig‘imli akkumulyator bilan taqdim etilgan. Ishlab chiqaruvchiga ko‘ra, ushbu rusumdagi telefonni ikki kungacha quvvatlashsiz ishlatish mumkin. Shunga qaramay, qurilma nisbatan yupqa dizaynni saqlab qolgan.

Ekran ham yangilangan: 120 Gs yangilanish tezligi va 8000 nitgacha yorqinlikka ega displey quyoshli sharoitda ham qulay foydalanish imkonini beradi.

HONOR faqat telefonni taqdim etish bilan cheklanmagan. Yangi seriya bilan birga kompaniya AIoT ekotizimini ham rivojlantirmoqda. Bu tizimda smartfon, soat, quloqchin va planshetlar bir-biri bilan bog‘langan holda ishlaydi va iste’molchi uchun yagona “aqlli muhit” yaratadi.

Shuningdek, HONOR O‘zbekiston Futbol Assotsiatsiyasi bilan hamkorlik ishlarini olib borayotgani ham ma’lum qilindi. Mazkur hamkorlik doirasida sport va texnologiyani birlashtirgan loyihalar amalga oshirilishi rejalashtirilgan.

HONOR 600 seriyasi 4 iyundan sotuvga chiqadi. Qurilmalar konfiguratsiyasiga qarab 6,7 mln so‘mdan 10,9 mln so‘mgacha bo‘lgan oraliqda sotilishi kutilmoqda.

Mutaxassislar fikriga ko‘ra, HONOR 600 seriyasi smartfonlar bozorida asosiy raqobatni faqat texnik ko‘rsatkichlar emas, sun’iy intellekt asosidagi imkoniyatlar belgilab berayotganini yana bir bor tasdiqlamoqda.

HONOR 600 seriyasi haqida batafsil ma’lumotni quyidagi havola orqali olishingiz mumkin:

www.honor.com

HONOR Uzbekistan’ning rasmiy sahifalariga obuna bo‘ling:

Facebook: fb.com/honoruzbekistan

Instagram: @honoruzbekistan

Telegram: t.me/HonorUzbekistan

YouTube: youtube.com/@Honor-Uzbekistan

Reklama huquqi asosida