Кувайт амири Эронни айблади

Эрон халқаро ҳуқуқ асосларини бузмоқда, деб айтди Кувайт амири Сабоҳ ал Аҳмад Ал Жаббор Ас Сабоҳ Форс кўрфази араб давлатлари ҳамкорлик саммити очилишида.

“Эрон ҳамон ўзини минтақада халқаро ҳуқуқни тартибга солувчи давлатлараро муносабатлар асосларини бузган ҳолда тутмоқда, яхши қўшничилик тамойилларига амал қилмаяпти ҳамда давлатлар суверенитети ва уларнинг ички ишларига аралашмаслик тамойилларини ҳурмат қилмаяпти. Бу тамойилларга тўлиқ амал қилинмас экан, минтақада барқарорлик бўлмаслигини тасдиқлаймиз”, деб айтган Ас Сабоҳ.

Кенгашга кирувчи 6 та давлат вакиллари 5 декабрда Кувайтда ҳар йиллик анъанавий саммитга минтақадаги долзарб муаммоларни муҳокама қилгани йиғилишди. Саммит 6 декабрда якун топади.