«Ким Чен Ин тоғнинг тепасида ҳаяжонли кунларни эслади» - ОАВ 

Шимолий Корея етакчиси Ким Чен Ин Кореяда қадимий даврлардан бери муқаддас деб ҳисобланиб келинувчи Пэктусан тоғига кўтарилди ва «ҳаяжонли кунларни ёдга олди». Бу ҳақда Корея Марказий телеграф агентлиги хабар бермоқда, деб ёзади РИА «Новости».

«КХДР етакчиси ўша ҳаяжонли кунларни эслади, ўшанда у миллий ядровий кучларни шакллантиришни якунлаш каби буюк тарихий ишни мустаҳкам ирода билан амалга оширди», - дея хабар берган агентлик.

Шунингдек Ким Чен Ин тоғни ободонлаштириш ва сайёҳлар учун меҳмонхона қуриш ҳақида топшириқ берди.

Таъкидланишича, КХДРда айни дамда Пэктусан тоғи Шимолий Корея собиқ етакчиси Ким Чен Ир (Ким Чен Иннинг отаси – таҳ.) таваллуд топган жой сифатида қадрланади. Аслида эса у Хабаровск ўлкасида дунёга келган.