Японияда MOMO-4 хусусий ракетаси парвоз қилганидан сўнг денгизга қулаб тушди

Фото: Twitter Interstellar Technologies Inc.

Япониянинг Interstellar Technologies компанияси томонидан ишлаб чиқарилга МОМО-4 ракетаси парвоз қилиши биланоқ денгизга қулаб тушди. Бу ҳақда компания ўзининг Twitter саҳифасида маълум қилди.

Компания маълумотига кўра, борт компьютеридаги носозлик боис ракетанинг двигатели ўчиб қолган.

«Ракета хавфсиз равишда денгизга қулади», — деб хабар берди компания.

Interstellar Technologies — 1997 йилдан буён космик ишланмалар билан шуғулланиб келувчи хусусий компания. Компания 2017 йилда MOMO биринчи хусусий ракетасини ишлаб чиқарган, аммо унинг парвози муваффақиятсиз якунланганди.

МОМО-4 — кичик ҳажмли ракета бўлиб, узунлиги 10 метр, диаметри 50 см.