Данияда барча карантин чекловлари бекор қилинади

Данияда 10 сентябрдан коронавирус эпидемияси сабабли киритилган барча чекловлар бекор қилинади. Бу ҳақда Дания Cоғлиқни сақлаш вазирлиги маълум қилди.

Ҳукумат аҳолини эмлаш даражаси юқорилиги боис ана шундай қарорга келди.

Мамлакат соғлиқни сақлаш вазири Магнус Хойникенинг сўзларига кўра, Данияда пандемия “назорат остида”.

Маълумотларга кўра, мамлакатда аҳолининг 80 фоиздан ортиғи коронавирусга қарши эмланган. 

Данияда коронавирус юқтириш билан боғлиқ 340 мингта ҳолат қайд этилган, 2,5 мингдан ортиқ бемор вафот этган.