Ўзбекистон ва Венгрия янги узум навларини етиштиришда ҳамкорлик қилади

Ўзбекистон элчиси Ойбек Шахавдинов Венгрия узумчилик институти раҳбарияти билан учрашув ўтказди.

Фото: Дунё

Унда Венгриянинг илғор тажрибаси асосида Ўзбекистонда ушбу соҳани ривожлантириш масалалари муҳокама қилинди.

Мамлакат элчихонаси маълумотига кўра, аввалроқ, ОТП Банк гуруҳи президенти Шандор Чанининг жорий йил 12-13 феврал кунлари бўлиб ўтган Ўзбекистонга бўлиб ўтган ташрифи давомида икки мамлакат ўртасидаги ҳамкорликнинг асосий йўналишлари белгилаб олинган эди. Улардан бири ушбу жабҳада қўшма илмий-тадқиқот марказларини ташкил этиш эди.

Учрашувда халқаро ҳамкорлик бўйича директор ўринбосари Жужанна Вагра Ўзбекистонда узумчиликни ривожлантириш бўйича ҳамкорликни янада мустаҳкамлашга кўмаклашишга тайёрлигини билдирди. "Ҳамкорликнинг мумкин бўлган йўналишларини аниқлаш учун биринчи қадам сифатида сентябр ойида манфаатдор ўзбекистонлик ҳамкасблар билан қўшма онлайн учрашув ташкил этиш муҳим деб ўйлайман", - деди Жужанна Вагра.