15 yil ichida qurilgan eng baland binolar

Baland binolar va shahar muhiti xalqaro kengashi 2014 yilda osmono‘par binolarning qurilishi haqida hisobotni chop etdi. Uni tuzishda 2014 yilda foydalanishga topshirilgan 200 metrdan balandroq bo‘lgan inshootlargina hisobga olindi.

O‘tgan yil oxirida Xitoyda eng ko‘p baland binolar qurilishi yakunlandi. Qurilgan 58 ta binoning umumiy balandligi 13 ming 549 metrni tashkil etadi. Taqqoslash uchun: stratosfera qobig‘i yer sirtidan 11 ming metrdan balandlikda boshlanadi.

Ta'kidlab o‘tish joizki, Xitoy baland binolar bo‘yicha mutlaq g‘olib hisoblanadi, chunki u bu borada o‘zidan keyingi kelayotgan davlatlardan ancha-muncha oldinlab ketgan, ya'ni 2- va 3-o‘rinni egallagan Filippin va Qatar davlatlari mos ravishda bor-yo‘g‘i 5 va 4 ta binoni foydalanishga topshirganlar.

1. Emirates Tower One, Dubay, BAA. 2000 yilda qurilgan. Balandligi 354,6 metr.

2. Menara Telekom, Kuala Lumpur, Malaziya. 2001 yilda qurilgan. Balandligi 310 metr.

3. Kingdom Centre, Ar Riyod, Saudiya Arabistoni. 2002 yilda qurilgan. Balandligi 302,3 metr.

4. Two International Finance Centre, Gong Kong, Xitoy. 2003 yilda qurilgan. Balandligi 412 metr.

5. Taipei 101, Tayvan, Xitoy. 2004 yilda qurilgan. Balandligi 508 metr.

6. Q1 Tower, Gold Koast, Avstraliya. 2005 yilda qurilgan. Balandligi 322.5 metr.

7. Shimao International Plaza, Shanxay, Xitoy. 2006 yilda qurilgan. Balandligi 333,3 metr.

8. Rose Rayhaan by Rotana, Dubay, BAA. 2007 yilda qurilgan. Balandligi 333 metr.

9. Shanghai World Financial Center. Shanxay, Xitoy. 2008 yilda qurilgan. Balandligi 494,3 metr.

10.Trump International Hotel & Tower. Chikago, AQSh. 2009 yilda qurilgan. Balandligi 423,2 metr.

11. Burj Khalifa. Dubay, BAA. Jahodagi hozircha yagona eng baland bino 2010 yilda qurib bitkazilgan bulib uning balandligi 829,8 m.

12. KK100. Shenchen, Xitoy. 2011 yilda qurilgan. Balandligi 441,8 metr.

13. Makkah Royal Clock Tower Hotel. Makka, Saudiya Arabistoni. 2012 yilda qurilgan. Balandligi 601 metr.

14. JW Marriott Marquis Hotel Dubai Tower 2. Dubay, BAA. 2013 yilda qurilgan. Balandligi 355,4 metr.

15. One World Trade Center. Nyu York, AQSh. 2014 yilda qurilgan. Balandligi 546,2 metr.

Kengash, shuningdek, 2014 yil tarixdagi eng ko‘p baland inshootlar qurilgan yil bo‘lganini ta'kidlab o‘tdi. O‘tgan yilning 12 oyi mobaynida balandligi 200 metrdan ko‘proqni tashkil qilgan 97 ta osmono‘par bino qurilgan, ulardan 11 tasining uzunligi 300 metrdan oshadi.

2015 yili 130 ta osmono‘par bino qurilishi (ulardan 25 tasining bitkazilishi keyingi yilga surilishi mumkin), 2016 yilda esa 135 ta osmono‘par bino qurilishi tugatilishi kutilmoqda.

2014 yili qurilgan va balandligi 200 metrdan baland bo‘lgan osmono‘par binolar haqida qiziqarli faktlar:

• - 2014 yili qurilgan 97 baland binoning umumiy uzunligi 23 ming 333 metr bo‘lib, bu tarixdagi eng katta ko‘rsatkichdir;
• - Avvalgi rekord 2011 yili qayd etilgan, o‘shanda qurilgan binolarning umumiy uzunligi 19 ming 852 metrni tashkil etgan;
• - 2014 yilgi eng baland 97 bino 19 mamlakatdagi 54 shaharda qurilgan bo‘lib, ularning 76 foizi Osiyoda, yana ham aniqroq aytadigan bo‘lsak, 60 foizi Xitoyda bunyod etildi;
• - Xitoyda 2014 yili balandligi 200 metr yoki undan yuqori 58ta bino qurilgan bo‘lib, bu 2013 yilgi ko‘rsatkich (36ta)dan 61 foizga ko‘p;
• - 2014 yil davomida eng ko‘p osmono‘par binolar Xitoyning Tianjin shahrida qurildi – 6ta;
• - 2014 yili 11ta superbaland bino qurildi – bu 2010, 2011 va 2012 yillarda qayd etilgan rekordlardan ikki barobar ko‘p;
• - Aynan 2014 yili Yaponiya davlati (300 metrlik Abeno Harukas) va Janubiy Amerika qit'asida (300 metrlik Torre Costanera) ilk superbaland binolar qurildi;
• - 2014 yil davomida Chili, Kuvayt, Malayziya, Singapur, Janubiy Koreya, Tayvan, Buyuk Britaniya va Vetnamda ham bittadan balandligi 200 metrdan yuqori bo‘lgan binolar qurildi, biroq reytingga kamida ikkita shunday binoni qurgan mamlakatlar kiritilgan.