Россия Сбербанки раҳбари рубль курсининг янада тушишини башорат қилди
17:20 / 25.12.2015
4232

2016 йилда Россия миллий валютасининг курси тушишда давом этади. Бу ҳақда Сбербанк раҳбари Герман Греф “Россия 24” телеканалига берган интервьюсида айтиб ўтди.
“Айтиш мумкинки, яқин ойларда нефть нархи плюс-минус 10 фоиз атрофида ўзгариб туради”, - деди у.

У нефть нархи АҚШ федерал захира тизимининг сиёсатига боғлиқ эканлигини тан олди.
“Унинг сиёсати эса қаттиқлашиб боради, - сўзида давом этди иқтисодиётчи. – Бу дегани, энг йирик дериватив бозор бўлмиш нефть бозоридан доллар кета бошлайди. Бу дегани, монетар ҳолат нуқтаи назаридан нефть нархи тушиши керак, бу мутлақ корреляциядир ва ўз-ўзидан рубль курси ҳам тушиб боради”.

25 декабрь ҳолатига кўра биржада 1 доллар 70.33 рублга, 1 евро 77.02 рублга тенг. Расмий курслар, тегишлича, 69.52 ва 76.04 рубль. Brent нефтининг бир баррели 37.92 долларга сотилмоқда.


Улашинг
  • Теглар:
Top