Saudiya Arabistoni maxsus kuchlari IShID tashkilotiga a'zoligi gumon qilingan shaxslarni qo‘lga olish bo‘yicha amaliyotlarni davom ettirmoqda. Bugun Makka shahridan sharqdagi Naaman vodiysida 4 nafar gumondorni qo‘lga olish bo‘yicha maxsus amaliyot o‘tkazilgan. Bu haqda milliy xavfsizlik kuchlaridagi manbasiga asoslangan holda "Sabak" gazetasi xabar tarqatgan.
Manbaning ma'lumotiga ko‘ra, amaliyot 5 may kuni ertalab boshlangan va unda aviatsiya kuchlari ham ishtirok etgan. Gumonlanuvchilar shahar yo‘li yoqasidagi 2 qavatli binoga yashirinishgan. Ulardan 3 nafari amaliyot chog‘ida o‘ldirilgan.
Joriy haftada arab nashrlarida Suriya va Iroq hududidagi IShID safida Saudiya Arabistoni fuqarolari bo‘lgan 3 mingdan ortiq kishi janga qilayotgani haqida xabarlar tarqalgandi.
