Beldagi og‘riqni kamaytirishning 3 xil usuli

Bel sohasidagi og‘riqlar deyarli hammaga tanish, u hatto ko‘pchilikning doimiy hamrohiga aylanib ulgurgan. Biroq bu muammoni bartaraf etishning  yo‘li bor - uncha qiyin bo‘lmagan mashqlar yordamida, tanangizga "quloq solish" va o‘zingizni ehtiyot qilish yo‘li bilan. 

1. Mikroharakatlarga asoslangan mashqlar. 

Bu texnikaning maqsadi - bel sohasidagi  gidratlanishning normal darajasini qayta tiklash. Yosh o‘tgan sari to‘qimalar suvsizlanadi va buning natijasida yoqimsiz his-tuyg‘ular va og‘riq yuzaga keladi. 

Chalqanchasiga yoting va tana holatini yengil o‘zgartirib, asta-sekinlik bilan mikroharakatlarni bajaring. 

Oyoqlarni navbatma-navbat bukish

Chalqanchasiga yoting, oyoqlar bukilgan, qo‘llar boshning orqasida.  

Chap tovoningizni ohista torting, bir muddat shu holatda qolib, avvalgi holingizga qayting va o‘zingizni bo‘sh qo‘ying.

Mashqni chap oyog‘ingiz bilan 5 marta takrorlang, so‘ng o‘ng oyoqqa o‘ting.

Bu mashq siqilgan asab va qon tomirlarini bo‘shashtiradi. 

2. O‘z tanangizga quloq soling. 

Odamlar ko‘p ish qilishsa-da, kam kuzatishadi. Axir aynan mushohada yuritish va meditatsiya jarayoni ko‘p narsani anglab yetishga imkon beradi. Bu somatik intellektni rivojlantirish uchun muhim. 

Sport bilan shug‘ullanish vaqtida asosiy maqsad - sog‘liq ekanligini unutmaslik kerak. Bunda birinchi navbatda kilometrlar, kilogrammlar yoki daqiqalar emas, shaxsiy his-tuyg‘ularni kuzatish zarur. 

Atrofdagi odamlarga bir qarang: juda kam sonli insonlar tikka turishadi, aksariyat kishilar og‘ir sumka tufayli bir tomonga qiyshayib turishadi yoki o‘y-xayolga berilib, yelkalarini bukib olishadi. 

Buning natijasida tana vazni teng bo‘linmaydi va tabiiyki, belga og‘irlik tushadi.

Yoga ustalarining tajribasidan foydalanib, "tog‘ pozasi"ni o‘zlashtirib oling. 

To‘g‘ri turing, oyoqlaringiz bir-biriga tegib tursin.

Tizzangizni to‘g‘ri tuting.

Qorningizni torting, boshingiz tepaga qarasin.

Tana vazni teng bo‘linishiga e'tibor bering.

Qo‘llaringizni tepaga ko‘tarib, boshingiz ustida birlashtiring. 

3. "Qancha ko‘p bo‘lsa, shuncha yaxshi" tamoyilini unuting. 

Umurtqa pog‘onasi va dumg‘aza normallashmas ekan, beldagi muammolardan qutulib bo‘lmaydi. Tana bilan ishlashda eng muhim aspektlardan biri - o‘z-o‘zini nazorat qilish. Har bir mashqni bajarayotganingizda mukammal natijalarga darhol erishib bo‘lmasligini unutmang. Ijobiy natijalarga erishish uchun sakson foizga harakat qilsangiz, yetarli. Keskin harakatlar qilmang. 

"Qancha ko‘p bo‘lsa, shuncha yaxshi" tamoyilini unuting. Me'yorga rioya qilishni o‘rganing.

Manba: xabardor.uz