17:39 / 01.08.2016
32562

Dunyodagi eng qimmat mushuklar

Mushuklar dunyodagi eng mashhur uy jonivorlari bo‘lib qolishmoqda – ular aqlli, yumshoq va boqish juda ham oson. Ularni itlar kabi tashqariga sayr uchun olib chiqish shart emas. Bu esa ish bilan ko‘proq mashg‘ul odamlarga ma'qul keladi. Dunyoda shunday mushuklar ham mavjudki, ularning bahosi kishini hayratga soladi. Ana, shunday qimmatbaho zotli mushuklar bilan tanishing. 

 

Norvegiya o‘rmon mushugi

Bu mushukning bahosi o‘n ming dollarga yetishi mumkin. Shuningdek, u har qanday uy sharoitida yashayvermaydi. Norvegiya o‘rmon mushugining terisi sovuqqa moyillashgan. 

 

Misrlik mau

Misrlik mau — nafaqat jungida, balki terisida ham mavjud tug‘ma dog‘i bilan mashhur o‘rtacha hajmdagi mushuklardir. Mushuk tashqi ko‘rinishi 3000 yildan buyon sezilarli darajada o‘zgarmagan — qadimiy misrliklar Bast nomli aynan shunday mushukka sig‘inishgan. Mau oila uchun yoqimtoy va mehribon uy hayvoni sanaladi. 

 

Britaniya kalta junli mushugi 

Instagram-blogerlarning eng sevimli zoti — britan kalta junli mushugi nafaqat suratbop, balki qimmatbaho hamdir. Bu mushukning narxi 500 dan 1500 dollargacha bo‘lishi mumkin. Chinakam uy hayvoni ishqibozlari esa bunday mablag‘ni ko‘z yumib, to‘lashga tayyor turishadi. 

 

Shotlandiya qatlama quloqli mushugi  

Shotlandiyaning qatlama quloqli mushugi o‘zining quloqlaridagi kamchiligi tufayli mashhur hisoblanadi. Bu kamchilik tufayli ularning quloqlari ikki bukilib, osilib qolgan. Bu turdagi mushuklar 1966 yilda paydo bo‘lgan. 

 

Sfinks

Bunday mushuklarning tanasida sochlar yo‘qligi naslni tanlab, chatishtirishning natijasi hisoblanadi. Ammo ko‘pchilik ularning tanasida umuman sochlar yo‘q, deb o‘ylab adashishadi. Aslida sfinkslarning terisida sochlar mavjud. Sfinkslar mushuklar dunyosining ekstravertlari hisoblanadi. Ko‘pchilikning aytishicha, ular itlarga o‘xshab egalari bilan, shuningdek, begonalar bilan ham do‘stlashishadi. 

 

Rus ko‘k mushugi

Hozirgi kundagi rus ko‘k mushuklari Rossiyada paydo bo‘lishgan. Yevropaliklar ularning kalamushlarni tutib olish qobiliyatlari, ajoyib ranglari va junlari uchun yoqtirib qolishgan. 1893 yilda angliyalik hayvon ko‘paytiruvchi Karen Koks Arxangelskdan bir juft ko‘k mushuklarni ko‘paytirish maqsadida olib ketgan. Bugungi kunda bu mushuklar o‘z vatanidan ko‘ra Yevropada mashhur hisoblanadi. 

 

Peterbold

Peterbold — sfinks va sharqiy zot mushuklarining g‘aroyib gibridi hisoblanadi. Peterboldlar juda ham nafis, kelishgan ko‘rinishadi va g‘aroyib bosh shakli — uzun va ingichka miya, bodom ko‘z, katta quloqlarga ega. Noyobligi tufayli mushukchaning narxi bir necha ming dollarga baholanishi mumkin. 

 

Alerka

Bu turdagi mushuk ilmiy tasdiqlangan birinchi gipoallergik zot sanaladi. Ya'ni u mushukka allergiyasi mavjud bo‘lgan insonlarga ham mos keladi. Alerkaning bahosi 7 mingdan 10 ming dollargacha bo‘lishi mumkin.

 

Bengal mushugi

Uy mushugi va uning yirtqich urug‘idan hosil bo‘lgan gibridi 1961 yil AQShda vujudga kelgan. Bengal mushugi kichik leopardlarni yodga soladi va shunga yarasha fe'l-atvorga ega hamdir — ular begonalarga juda ham ehtiyotkorona munosabatda bo‘lishadi.

 

Ashera

Ashera dunyodagi eng ekzotik uy mushugi sanaladi. Bengal mushugi kabi u ham uy zotlilari bilan Osiyo leopard mushugining geni chatishtirilishidan paydo bo‘lgan. Qarama-qarshi dog‘lar va  katta hajmi bilan qoplonni yodga soladi. Ashera narxi ham ekzotikdir — bitta mushuk uchun 100 ming dollargacha mablag‘ to‘lash kerak.

Top