“Qishloq qurilish bank”dan yana bir qulaylik

Aktsiyadorlik  tijorat “Qishloq qurilish bank” mamlakatimiz iqtisodiy taraqqiyotini ta'minlash, aholi farovonligini oshirish, kichik biznes va xususiy tadbirkorlikni  qo‘llab-quvvatlash borasidagi islohotlar jarayonida faol ishtirok etib kelmoqda. Ko‘rsatilayotgan sifatli bank xizmatlari natijasida bank mijozlarining soni  muttasil ravishda ortib  bormoqda. Bugungi  kunda bank tuzilmalari tomonidan 692 mingdan ortiq jismoniy va yuridik shaxs maqomidagi mijozlarga  xizmatlar  ko‘rsatilmoqda.

Yildan-yilga bank tomonidan ko‘rsatilayotgan xizmatlar turlari ko‘payib, aholiga yangi zamonaviy va qulay xizmatlar taklif qilinmoqda. Xususan, plastik  kartochkalardan foydalanuvchilar uchun ko‘rsatiladigan xizmatlar ko‘lamini  kengaytirish  yuzasidan doimiy ish olib borilmoqda. Bunda  yangi zamonaviy axborot texnologiyalari imkoniyatlaridan keng foydalanilmoqda. 

Ma'lumki, joriy yilning mart oyidan boshlab P2P to‘lovlar tizimi orqali mobil ilovalar va internet saytlari yordamida bir jismoniy shaxsning plastik kartochkasidan  boshqa bir jismoniy shaxsning plastik kartochkasiga “on-line” rejimida mablag‘larni o‘tkazish imkoniyati yo‘lga qo‘yilgan edi. 

“Qishloq qurilish bank”  ushbu tizimni yanada kengaytirish maqsadida “Click” korxonasi  bilan  hamkorlikda  “Click” mobil ilovasi orqali plastik kartalararo pul o‘tkazmalari xizmatini joriy etdi. Ushbu xizmatning joriy etilishi mijozlar uchun qator qulayliklarni yaratadi. Masalan, foydalanuvchilar bankka murojaat etmagan  holda bir  plastik kartochkadan boshqa  bir plastik  kartochkaga 24/7 rejimida  mablag‘larni  o‘tkazish  va turli to‘lovlarni amalga oshirish imkoniga ega bo‘lishadi. Kelgusida bu yo‘nalishda yanada qulay yangi bank xizmatlarini joriy etish hamda to‘lov turlarini kengaytirish rejalari ishlab chiqilgan. 

Bundan tashqari bank mintaqaviy filiallarida “Fuqarolarning banklardagi omonatlarini himoyalash kafolatlari to‘g‘risida”gi qonuni asosida fuqarolarning bankdagi omonatlarini himoyalashni yanada kuchaytirish maqsadida shaxsning barmoq izlari namunasidan  foydalanish “Biometrik identifikatsiyalash” tizimi joriy qilinmoqda. Mazkur texnologiyaning afzal jihati shundaki, omonat hisobvaraqlaridagi mablag‘lar bilan bog‘liq barcha operatsiyalarni omonat egasi bo‘lgan mijozning bevosita ishtirokisiz  amalga oshirish  imkoni bo‘lmaydi va omonat  mablag‘lariga  nisbatan  bank  xodimlarining  daxlsizligi  ta'minlanadi.    

Bugungi  kunda ATB “Qishloq qurilish bank” tizimida 42 ta filial, 48 ta minibank va 186 ta shahobchalar faoliyat yuritmoqda.  
2016 yilning 1 avgust holatiga bankning sof aktivlari 5 122,9 mlrd. so‘mga va jami  kapitali 464,3 mlrd. so‘mga yetdi.

Bank Axborot xizmati.

Xizmatlar litsenziyalangan. Reklama huquqi asosida.