Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Маҳзун кўзлар яна кулсин: Дилфузахонни соғлом ҳаётга қайтариш учун моддий кўмак зарур
14:47 / 22.11.2017
32008
Фото: KUN.UZ

Болалик даври - ўз қувончлари, беғубор ва ширин лаҳзалари билан инсон хотирасида мангу яшайди. Ўша кунлар ёдга олинганда ҳар бир инсон юзига табассум югуради. Аммо шундай тақдирлар ҳам бор-ки, болаликнинг лаҳзалари дард ичра ўтмоқда... Буни Тошкент вилоятининг Зангиота тумани, Амир Темур кўчаси, 193-уйда истиқомат қилувчи Дилфузахон Тўраева тақдирида кўриш мумкин.

Гап шундаки, бу қизнинг бошига тушган мусибат ижтимоий тармоқларда кенг муҳокама бўлди. Барча ўз фикрини билдирди, аммо Дилфузахоннинг кейинги тақдири кўпчиликни қизиқтирмади. Қизнинг отаси Абдурашид Тўраев ўз қизи билан боғлиқ бахтсизлик тафсилотини гапириб берди: 

“Қизим 2014 йилнинг 20 ноябрь куни қизиб турган ёққа тушиб кетди. Куйиш ҳолати 45 га 25 фоиз бўлган. Бундан қизимнинг ички аъзолари жиддий зарар кўрган. Хусусан, 2014 йилнинг охирларида қизчамга колостома қўйилган. Айни кунларда орқа колостомани пластик хирургия йўли орқали амалга ошириш талаб этиляпти. Германиялик мутахассиларга мурожаат этганимизда, улар қизим гинекологлар эътиборида бўлиб туриши лозимлиги, операция ҳақи босқичма-босқич амалга оширилса, 10 минг долларгача бўлиши мумкинлигини айтишди”.

Маълумотларга кўра, Дилфузахон ўзбекистонлик шифокорлар назоратида. Унинг саломатлиги маълум бир давр оралиғида текширишдан ўтказиб турилади. Аммо унинг отаси айтганидек, зарурий жарроҳлик амалиётини ўтказиш учун Германияга бориши керак. Бу жарроҳлик амалиёти Дилфузани нормал ҳаётга қайтаради. Моддий томондан имконияти бор инсонларни бу қизчанинг даволаниши билан боғлиқ хайрия акциясида иштирок этиб, пул йиғилишида ўз ҳиссаларини қўшишларини сўраб қолардик. 

Дилфузанинг келажакдаги режалари бисёр. У шифокор бўлмоқчи. Унинг орзу-ҳаваслари амалга ошишига кўмакчи бўлайлик.

Хайрия акциясида қатнашган барча Азизлардан Аллоҳ рози бўлсин. Дилфузахонга очилган хайрия акцияси ўз якунига етди.


Улашинг
Top