O‘zbekiston, Tojikiston va Qirg‘iziston qutqaruv xizmatlari ilk bor hamkorlikda o‘quv mashqlari o‘tkazadi

Joriy yilning sentabr oyida Qirg‘izistonning Botken viloyatida O‘zbekiston, Tojikiston va Qirg‘iziston qutqaruvchilarining hamkorlikdagi birinchi o‘quv-mashg‘ulotlari o‘tkazilishi rejalashtirilmoqda.

FVV xabariga ko‘ra, o‘tkazilishi kutilayotgan bu mashg‘ulotlarda O‘zbekiston, Tojikiston va Qirg‘iziston yong‘in-qutqaruvchilari texnogen va tabiiy ofatlarni bartaraf etishda o‘zaro hamkorlik qilish masalalarini ko‘rib chiqadi.

Hozirgi kunda mutaxassislar uch davlatning hamkorlikdagi o‘quv mashg‘ulotlarining o‘tkazilish tartibini kelishib olishmoqda.