O‘zbekistonda «Vatandoshlar» jamg‘armasi tuziladi

O‘zbekistonda “Vatandoshlar” jamg‘armasi tuziladi. Prezident Shavkat Mirziyoyev Oliy Majlisga murojaatnomada bu borada taklif bilan chiqdi.

“Dunyoning ko‘plab mamlakatlaridagi vatandoshlarimizni qo‘llab-quvvatlash va ular bilan aloqalarimizni yanada mustahkamlash maqsadida “Vatandoshlar” jamg‘armasini tuzishni taklif etaman”, - dedi prezident.

Ma'lum qilishicha, jamiyatda millatlararo totuvlik va bag‘rikenglik muhitini mustahkamlashga qaratilgan ishlar ham sifat jihatdan yangi bosqichga olib chiqiladi.

Birlashgan Millatlar Tashkiloti Bosh Assambleyasining rezolyutsiyasi bilan har yili 30 iyul Xalqaro do‘stlik kuni sifatida keng nishonlanadi.

“Shu bois, ushbu sanani O‘zbekistonda “Xalqlar do‘stligi kuni” deb belgilashni taklif etaman”, — dedi Shavkat Mirziyoyev.