19:34 / 08.11.2021
5462
Ўзбекистон миллий жамоасининг ноябрдаги йиғини учун якуний қайднома эълон қилинди

Ўзбекистон миллий жамоасининг ноябрь ойидаги йиғини учун чақирилган футболчилар таркибида ўзгариш кузатилди.

Фото: Ўзбекистон футбол федерацияси

«Миллий жамоага чақирилган ҳимоячи Рустам Aшурматов виза билан боғлиқ муаммолар сабаб бу галги йиғинда иштирок этолмайди. Унинг ўрнига «Пахтакор» ҳимоячиси Марлен Чобанов жалб этилди», - дейилади ЎФА матбуот хизмати хабарида.

Қайд этилишича, миллий жамоа футболчилари бугун, 8 ноябрь куни йиғин доирасидаги илк машғулотни ўтказишади. Машғулотлар «Пахтакор» стадионида соат 17:15да бошланади ва унинг дастлабки 15 дақиқаси ОAВ вакиллари учун очиқ бўлади.

Ўзбекистон миллий жамоасининг ноябрь ойидаги ФИФA кунлари учун кенгайтирилган таркибига қуйидаги футболчилар жалб этилган:

Эслатиб ўтамиз, Ўзбекистон миллий жамоаси йиғини ОФК календарига мувофиқ, 8-16-ноябрь кунлари ўтказилади. Ўзбекистон миллий жамоаси ушбу муддат мобайнида дастлаб Тошкентда, кейинчалик эса Грузия пойтахти Тбилисида ўқув-машғулот йиғини ўтказади. Хориждаги йиғин доирасида 15 ноябрь куни Ўзбекистон Грузияга қарши Тбилисида баҳс ўтказади. Ўртоқлик ўйини «Борис Паичадзе» стадионида соат 19:00да бошланаши белгиланган.

Top