Qoʻshimcha funksionallar
-
Tungi ko‘rinish
Pentagon Xitoyning yadro arsenali oshayotgani haqida ogohlantirdi
AQSh Mudofaa vazirligi 2035 yilgacha Xitoy yadro arsenali 1500 ta jangovar kallakka oshadi, deb hisoblamoqda.
Pentagonning Xitoy harbiy qudrati haqidagi yillik hisobotida aytilishicha, Pekin hozirda o‘z arsenalida 400 dan ortiq jangovar yadro kallakka ega. Biroq, yadro arsenalini oshirish harakatlari oqibatida 2035 yilga borib kallaklar soni 1500 taga yetishi mumkin.
Xitoy Xalq ozodlik armiyasi raketa qo‘shinlari 2021 yilda sinov va o‘quv maqsadlarida taxminan 135 ta ballistik raketa uchirgan.
«Bu urush hududlarida ballistik raketalardan foydalanishni hisobga olmaganda, boshqa barcha davlatlarnikidan ko‘pdir», deyiladi hisobotda.
Pekin shuningdek, uchta yangi poligonni qurishni boshlab yuborgan. U yerda 300 ta qit’alararo ballistik raketa shaxtalari joylashadi.
Pentagon Xitoyni «AQSh milliy xavfsizligi hamda erkin va ochiq xalqaro tizim uchun eng jiddiy va tizimli muammo» deb atagan.
Xitoy o‘z yadro arsenalini oshirish rejalariga qaramay, AQSh salohiyatidan o‘zib keta olmaydi. Ayni paytda Qo‘shma Shtatlarda yadro kallaklari soni qariyb 3800 tani tashkil qiladi.
Mavzuga oid
18:31
AQSh sayyohlik va biznes vizalari uchun tezkor suhbat bo‘yicha pullik xizmatni yo‘lga qo‘yadi
15:12
Amerika biznesi O‘zbekiston loyihalariga qiziqishni kuchaytirmoqda - Saida Mirziyoyeva
13:13
Ho‘rmuz yaqinida AQSh armiyasining «Apache» vertolyoti qulab tushdi
10:25