08:30 / 02.03.2023
13749

UQK: Ukraina havo mudofaasi Rossiya raketalarining 80 foizini urib tushiryapti

Ukraina havo hujumidan mudofaa tizimi Rossiya raketalarining 80 foizini urib tushiryapti, deb ma’lum qildi Ukraina Qurolli kuchlari birlashgan kuchlari qo‘mondoni Sergey Nayev. 

Foto: telegraf.ua

«Hozirda urib tushirilgan raketalar ulushi juda o‘zgargan va 80 foizga teng. Ba’zi hollarda esa undan ham ko‘proq. Bizning havo hujumidan mudofaa tizimi jangchilarimiz professional va malakali bo‘lib bormoqda», - deb Nayev so‘zlari keltirilgan Ukraina Qurolli Kuchlari qo‘mondonligining Facebook'dagi sahifasida.

Shu bilan birga, u RF Qurolli kuchlari ham havo hujumlari taktikasini o‘zgartirayotganini qo‘shimcha qildi. 

«Shunday qilib, biz har bir zarbadan keyin tahlil qilamiz», deb ta’kidladi qo‘mondon. 

Nayevning so‘zlariga ko‘ra, ushbu tahlilga asoslanib, «qo‘mondonlar havo hujumidan mudofaa tizimining barqarorligi eng yuqori darajada bo‘lishi uchun tegishli qarorlar qabul qiladi».

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Top