Baydendan yangi paydo bo‘lgan saraton shishi olib tashlandi
Qo‘shma Shtatlar prezidentining ko‘kragidagi bazalioma olib tashlandi, dedi uning shifokori. Qo‘shimcha davolash talab qilinmaydi.
![](https://storage.kun.uz/source/9/MU8o4fBgRbDvkg0gjUOHM2yAfgeoqX79.jpg)
Foto: Getty Images
Fevral oyida AQSh prezidenti Jo Baydenning ko‘kragidan bazalioma olib tashlandi. Bu haqda 3 mart, juma kuni Amerika yetakchisining davolovchi shifokori Kevin O'Konnor ma’lum qildi. Gap epidermisning bazal qatlami hujayralarida paydo bo‘ladigan teridagi saraton shishi haqida ketyapti.
Shifokorning so‘zlariga ko‘ra, prezidentning 16 fevral kuni rejalashtirilgan tibbiy tekshiruvi chog‘ida barcha saraton to‘qimalari muvaffaqiyatli olib tashlangan va boshqa davolash talab etilmaydi.
Operatsiya joyida yaraning bitishi o‘tdi, dedi shifokor. Amerika rahbarining standart tibbiy ko‘riklari doirasida terining holatini kuzatish davom ettiriladi.
16 fevral kuni O'Konnorning aytishicha, Oq uy rahbari lavozimga kirishishidan oldin bir nechta lokalizatsiyalangan melanoma bo‘lmagan teri saratoni shishlarini olib tashlagan. Uning so‘zlariga ko‘ra, Jo Bayden yoshligida quyoshda ko‘p vaqt o‘tkazgan.
Fevral oyida Kevin O'Konnor amerikalik yetakchi ko‘rikdan o‘tkazilganidan so‘ng, Baydenning sog‘lig‘i unga AQSh prezidenti vazifalarini cheklovlarsiz bajarishga imkon berishini aytdi. «Prezident Bayden 80 yoshli sog‘lom va baquvvat qariya bo‘lib qolmoqda, u o‘z vazifalarini, jumladan, hukumat ijro hokimiyati boshlig‘i, davlat rahbari va oliy qo‘mondon vazifalarini muvaffaqiyatli bajara oladi», — deyiladi besh sahifalik tibbiy hisobotda.
Mavzuga oid
![](https://storage.kun.uz/source/thumbnails/_medium/10/85-CBcwqDR-yeXfTg7kgEU2zSt_CASd3_medium.jpg)
21:26 / 06.09.2024
Baydenning o‘g‘li soliq jinoyatlari bo‘yicha aybiga iqror bo‘ldi. U 17 yilga qamalishi mumkin
![](https://storage.kun.uz/source/thumbnails/_medium/10/tkFEzTrBZgj-Lpe9nE09BWDsk3T5Yp6e_medium.jpg)
12:24 / 06.09.2024
Smartfonlar miya saratoniga sabab bo‘lishi haqidagi fikrlar asossiz deb topildi
![](https://storage.kun.uz/source/thumbnails/_medium/10/Jn62944_8bNgdvwkMvV18g58zkh4NZ1K_medium.jpg)
09:40 / 04.09.2024
Rossiyaning Poltavaga zarbasidan keyin Bayden Kiyevga HHM tizimlarini va’da qildi
![](https://storage.kun.uz/source/thumbnails/_medium/10/g7EbdK4NMWjYXB5Svam9E75YMAZHJkMa_medium.jpg)
20:30 / 27.08.2024