Xitoy TikTok orqali amerikalik jurnalistlarni kuzatgan bo‘lishi mumkin
AQSh rasmiylari surishtiruv boshladi.
![](https://storage.kun.uz/source/9/D9_BRz5bEtoeyrDIXgy4z01ffWAwp-9Z.jpg)
Foto: Getty Images
AQSh Federal qidiruv boshqarmasi (FQB) va AQSh Adliya vazirligi Xitoyning ByteDance kompaniyasi ustidan surishtiruv boshladi. Ushbu kompaniya o‘zining TikTok ijtimoiy media ilovasi orqali amerikalik jurnalistlarga nisbatan josuslik qilgan bo‘lishi mumkin. Bu haqda tergovdan xabardor Forbes yozdi.
Adliya vazirligi va Virjiniyaning Sharqiy okrugi prokuraturasi ByteDance kompaniyasidan xodimlarining TikTok ilovasi orqali jurnalistlar va foydalanuvchilarning manzili va boshqa shaxsiy malumotlarini qo‘lga kiritishga urinishlari haqida malumot so‘ragan.
O‘z navbatida, FQB ham josuslik mavzusi bilan bog‘liq bir nechta so‘roq o‘tkazgan. Boshqarma bu xabarlarga izoh bermagan.
Forbes 2022 yil oktyabr oyida ByteDance kompaniyasi ba’zi AQSh fuqarolariga nisbatan josuslik qilish uchun TikTok ilovasidan foydalanayotgani haqida xabar bergan edi. Dekabr oyida kompaniya tomonidan o‘tkazilgan ichki tekshiruv ijtimoiy tarmoq xodimlari TikTok haqida yozayotgan jurnalistlarni kuzatish uchun akkaunt ma’lumotlaridan foydalanganini tasdiqladi.
Ma’lum bo‘lishicha, kompaniyaning xatti-harakatlari Forbes nashrining kamida uch jurnalisti va The Financial Times muxbiriga ta’sir qilgan. ByteDance ichki yozishmalariga ko‘ra, kompaniya o‘z xodimlari orasida ommaviy axborot vositalariga xabar sizib chiqishi haqidagi taxminlar manbalarini aniqlashga harakat qilgan.
ByteDance kompaniyasi josuslikka jalb qilingan va endi kompaniyada ishlamaydigan xodimlarning harakatlarini «qat’iy qoralaganini» aytdi. «Bizning ichki surishtiruvimiz hali ham davom etmoqda va biz har qanday rasmiy tergov bilan hamkorlik qilamiz», dedi ByteDance vakili Jyennifer Benks.
AQSh ByteDance kompaniyasini Xitoy rasmiylari bilan hamkorlik qilganlikda gumon etib keladi. AQSh xorijiy investitsiyalar qo‘mitasi TikTok ilovasini tekshirishni boshladi. Shu bilan birga, Xitoy kompaniyasi «Texas loyihasi» deb nomlangan bir qator chora-tadbirlarni taklif qildi. Boshqa narsalar qatorida, ByteDance amerikalik foydalanuvchilar ma’lumotlarini Qo‘shma Shtatlarning Oracle kompaniyasida saqlashga rozi bo‘ldi. Ushbu kompaniya TikTok dasturini ham tekshirib ko‘radi.
Dekabr oyida AQSh Senati hukumat xodimlariga federal hukumat qurilmalarida TikTok ilovasidan foydalanishni taqiqlovchi qonun loyihasini ma’qulladi. Xuddi shunday taqiqlar Buyuk Britaniya va Yangi Zelandiyada ham kiritilgan.
Bloomberg ma’lumotlariga ko‘ra, TikTok rahbariyati AQSh milliy xavfsizligi bilan bog‘liq muammolarni hal qilish uchun ByteDance kompaniyasidan ajralib chiqish imkoniyatini ko‘rib chiqmoqda. Ushbu parametr «Texas loyihasi» muvaffaqiyatsizlikka uchragan taqdirda ko‘rib chiqiladi.
Mavzuga oid
![](https://storage.kun.uz/source/thumbnails/_medium/10/RuA8d7qCvUpL4JT8EVOIOGtE_A8Ur3G4_medium.jpg)
22:36 / 07.09.2024
Tramp Ukrainadagi urushni qanday tugatishni rejalashtirayotganini aytdi
![](https://storage.kun.uz/source/thumbnails/_medium/10/eefFkG3_sKxG3Jwc8rufUiD25rqwzEDt_medium.jpg)
21:57 / 07.09.2024
AQSh Iroqdan qo‘shinlarini olib chiqish sanasi ma’lum bo‘ldi - OAV
![](https://storage.kun.uz/source/thumbnails/_medium/10/_5WVCiXWBzKpigBtz25HT5GHNeboPy3y_medium.jpg)
21:30 / 07.09.2024
«Starliner» kosmik kemasi uch oylik kechikish bilan Yerga qaytdi
![](https://storage.kun.uz/source/thumbnails/_medium/10/a56D0yFi3VtuM4dnR4_ixh9k7czFpV9y_medium.jpeg)
12:40 / 07.09.2024